Конституция күні құтты болсын!

Қазақ елінде мерейлі мереке — Тәуелсіздіктің төлқұжатты іспетті Конституциямыздың мейрамы. Бұл күнді еліміздің әр облысы, әр аймағы атап өтіп, тәуелсіздік үшін тағы да бір рет тәубе етеді. Қай елдің болмасын, тұрмыс-тіршілікті реттейтін заң бар. Қазақ елі өз отауын тіккелі елдің берекесі мен бірлігін сақтайтын заңдар жазған.

Тұғырлы тәуелсіздігіміздің, еңселі егемендігіміздің тірегі болған Ата Заңымыз сіз бен біздің құқығымызды қорғап, тең өмір сүруімізді қамтамасыз етеді. Елімізді осы бір айтулы мерекемен құттықтап, көк туымыз көктен түспей, Конституциямыз өміршең болсын деген тілек айтамыз.