Саурықов Ерболат Байұзақұлы — филология ғылымдарының докторы, ҚР ҰҒА «Құрметті мүшесі», Жамбыл облыстық маслихатының депутаты.
Е.Б. Саурықов 1971 жылдың 12 қыркүйегінде Жамбыл облысы Мойынқұм ауданы Фурмановка ауылында дүниеге келген. Ұлты – қазақ.
1978-1988 жылдары Құмөзек ауылындағы Ы.Алтынсарин атындағы орта мектепте білім алған.
1989-1994 жылдары аралығында Жамбыл педагогикалық институтының «Қазақ тілі мен әдебиеті» мамандығын үздік дипломмен аяқтап, өзінің алғашқы ғылымдағы жолын 1994 жылы әл-Фараби атындағы Қазақ ұлттық университеті «Жалпы тіл білімі» кафедрасының ғылыми ізденушісі ретінде бастаған.
1995-1998 жылдары аралығында әл-Фараби атындағы Қазақ ұлттық университетінің күндізгі бөлім аспиранты және Президенттік стипендияның иегері.
1998 жылы білім саласын қаржыландыру бағытындағы Халықаралық СОРОС-Қазақстан қоры грантының жеңімпазы атанды.
1999 жылы әл-Фараби атындағы Қазақ ұлттық университетінде «Түркі тілдері» мамандығы бойынша кандидаттық диссертациясын қорғаған.
1998-2000 жылдары университет жанындағы «Көне түркі жазба ескерткіштері» ғылыми-зерттеу орталығында ғылыми қызметкер және «Жалпы тіл білімі» кафедрасының оқытушысы қызметтерін атқарған.
2000-2001 жылдары М.Х.Дулати атындағы Тараз мемлекеттік университеті «Қазақ тілі» кафедрасының меңгерушісі және осы кезең аралығында ҚР Білім және ғылым министрлігі Мемлекеттік стипендиясының иегері атанды.
2001-2004 жылдары М.Әуезов атындағы Оңтүстік Қазақстан мемлекеттік университетінің «Тест орталығы» және «Түркология» ғылыми-зерттеу орталығының басшысы қызметтерін атқарған.
2004-2006 жылдары Тараз мемлекеттік педагогикалық институтының оқу-әдістемелік жұмыстары жөніндегі проректоры, ал, 2006-2010 жылдары А.Ясауи атындағы Халықаралық қазақ-түрік университеті Тараз институтында «Құқықтану және тарих», «Филология» факультеттерінің деканы, институт директорының ғылыми жұмыстар және халықаралық байланыстар жөніндегі орынбасары қызметтерін атқарған.
2010 жылы әл-Фараби атындағы Қазақ ұлттық университеті «Жалпы тіл білімі» кафедрасының жанындағы диссертациялық кеңесте түркі тілдерінің тарихы бағыты бойынша докторлық диссертациясын табысты қорғап, филология ғылымдарының докторы ғылыми атағын иеленді.
2011-2012-жылдары Тараз инновациялық-гуманитарлық университетінің бірінші проректоры қызметін атқарған.
Қазіргі таңда филология ғылымдарының докторы, профессор Е.Саурықов Халықаралық Тараз инновациялық институтының ректоры қызметін атқарып келеді.
Е.Саурықов университет ректоры ретінде аймақтың әлеуметтік-экономикалық жағдайын ескере отырып, балалар үйінің бітірушілері мен жетім балалардың тегін оқуын қамтамасыз етіп, сондай-ақ, әлеуметтік жағынан аз қамтылған отбасынан шыққан студенттердің оқу төлемақысына жеңілдіктер қарастырып келеді. Жыл сайын үздіктер мен белсенділерге университет гранты тағайындалып, тегін оқытылады.
Е.Б.Саурықов — ғылыми ізденіс жасап жүрген түркітану, тіл тарихы, салыстырмалы грамматика, жоғарғы мектеп педагогикасы салалары бойынша 100-ден астам ғылыми мақалалар мен еңбектердің авторы. Сонымен қатар, мемлекеттік «Мәдени мұра» бағдарламасының Қазақстанның оңтүстік өңірінде орындалуына жетекшілік жасап жүрген зерттеуші ғалым. Е.Саурықов мемлекеттік «Мәдени мұра» бағдарламасы аясында туған жері – Мойынқұм ауданындағы «Құралай сұлу» тарихи ескерткішіне құрылыс жұмыстарын жүргізіп, қайта қалпына келтірді.
Бүгінгі таңда Е.Саурықов өскелең ұрпаққа бәсекеге қабілетті білім беру мен тәрбиелеу және өңірдің әлеуметтік-саяси, экономикалық жағдайының жақсаруына қосқан үлесі үшін мынадай мемлекеттік марапаттар мен Құрметті атақтарды иеленген:
ҚР Президенті Н.Назарбаевтың алғыс хаты, 2005ж;
ҚР Мәдениет және ақпарат министрі Е.Ертісбаевтың алғыс хаты, 2007ж;
Ресей Федерациясы Ғылым Академиясының «Жоғары оқу орындарындағы жаңашыл жұмыстары үшін» төсбелгісі және «Еңбегі және білімі» ордені, 2013ж;
ҚР «Қазақстан даңқы» ордені, «Еңбек жолындағы тиімділігі үшін» төсбелгісі, 2013ж;
Аймақтық Менеджмент Академиясының «Басқарушы ой-пікірін дамытудағы еңбегі үшін» Ф.Тейлор атындағы алтын медалі, 2014ж;
«Сапа үшін еуропалық гран-при» Женева, 2014ж;
«Мойынқұм ауданының Құрметті азаматы», 2014 ж;
ҚР Білім беру ісінің құрметті қызметкері, 2015ж;
«Ерен еңбегі үшін» медалі, 2015ж;
«Ы.Алтынсарин» төсбелгісі, 2016ж;
«Қазақстан Республикасының Тәуелсіздігіне 25 жыл» мерекелік медалі, 2016ж;
Тараз қаласының «Жыл адамы», 2017ж;
Республикалық «Жомарт жүрек» сыйлығының «Туған өлке» номинациясының лауреаты, 2018ж;
«Жыл патриоты», 2018ж;
ЖОО қауымдастығының А.Байтұрсынұлы атындағы алтын медалі,2018ж;
Тараз қаласының Құрметті азаматы, 2019ж;
«Қазақстан Конституциясына 25 жыл» мерекелік медалі, 2020ж.
Отбасылы. 4 бала тәрбиелеуде.
ПОҚ кітаптарының тізімі
Шалғайдан сәлкм жолдаймын
Ұлы Жібек жолы және Ұлы дала тарихы
Түркі тілдеріндегі үстеу сөз табы: даму тарихы және қалыптасуы
Тәуелсіздік жылдарындағы драматургия
Үстеу сөз табының қалыптасуы және көмекші сөздер тарихы (түркі тілдері материалдары негізінде).
Қазақтың шерағасы (1- кітап)
Зау тұлға (9-кітап)
Қазақтың Шерағасы 80 жаста
Қазақтың шерағасы (11-кітап)